Familia da haurraren hizkuntza sozializazioaren lehen eremua. Euskara transmititzeko aukerak askotarikoak diren arren, guraso guztiek ez dute euskaraz aritzeko behar adinako baliabiderik edo konfiantzarik. Hori dela eta, ezinbestekoa da gurasoak euskararen transmisioan bidelagun egitea, euskararen erabilera etxetik sendotzeko eta guraso komunitatean euskararen presentzia zabaltzeko.
Gainera, askotan gurasoek ez dituzte ezagutzen sarean dauden euskarazko baliabideak, edo zailtasunak dituzte euskara beste hizkuntzekin uztartzeko. Horregatik, GURASOLEKU programak baliabide praktikoak eskainiko ditu, gurasoek euskara modu erraz eta eskuragarrian erabiltzeko aukera izan dezaten.
Gurasoleku programa 0-5 urte bitarteko haurren familiei zuzendutako ekimena da, euskararen transmisioa sendotzea helburu duena. Gaur egun, gure haurren euskalduntzea bururaino eramateko, ikastetxeak ez dira nahikoa eta ezinbestekoa da familiaren parte hartzea. Hori dela eta, gurasoek euskararekin duten harremana eta erabilera sustatzea ezinbestekoa da transmisioa bermatzeko.
Programak hizkuntza-eskurapena eta erabilera modu integralean jorratzen ditu, gurasoei euskaraz hitz egiteko baliabideak eta konfiantza emanez, eta euskarazko guneak eta harreman-esparruak sortuz. Horretarako, hiru ekintza-ildo nagusi garatzen dira:
- Gurasoeuskaltegia: Euskara ikasteko eta praktikatzeko eskolak, gurasoen ordutegietara egokituta eta metodologia praktikoarekin.
- Gurasolagun: Euskara dakiten eta ikasten ari diren gurasoak elkartzeko egitasmoa, euskarazko praktikak sustatzeko.
- Gurasolagun Agenda: Familia osoari zuzendutako euskarazko aisialdi-eskaintza, gurasoek eta haien haurrek elkarrekin euskaraz bizitzeko aukera izan dezaten
