Aste bukaera betea izan da Gurasoleku ekimenerako. Ostegunean Urduñan, ostiralean Orozko eta Arrankudiagan eta igandean Arespalditzan izan ginen informazioa zabaltzen. Lan horretan Kirikinoko, Berbalagun eta 24 elkarteko kideak izan ditugu ondoan.
Aurkezpen bira Urduñan hasi genuen ostegunean. Gurasoleku ekimena aurkezteaz gain, Berbalagun eta Kirikinok kudeatzen duten 0-3 urteko ludoteka aurkeztea xede izan genuen bizakiko hiriko Foru Plazan. Urduñan Gurasolekura batu dira Haurreskola, Urduña Herri Eskola, Aintzinako Ama Ikastetxea, AEK, Udaberria Euskaltegia eta Berbalagun programa. Urduñak bigarren urtea du programan.
Ostiralean arratsaldea Orozkon hasi genuen. Bertan lehengo aldiz gauzatuko da ekimena Haurreskola, Orozko Harana Eskola Publikoa, AEK eta Berbalagunen partehartzearekin.
Arrankudiagan jarraitu genuen, oraingoa frontoiaren epelean. Arrankudiagako Eskolak ere lehen urtea izango du Gurasolekun eta hemen ere AEK eta Berbalagunen laguntza izango dugu.
Asteburua igandean bukatu genuen, Aiarako 24 elkartea hilero antolatzen duen Igandeak Familian Euskaraz ekimena probestuz. Alberto Bargoz ipuin kontalaria, askaria eta eskulan tailerra antolatu zituen Aoiarako euskaltzale taldeak eta bertan izan ginen informazioa helarazteko bertaratutako gurasoei. Aiara aurrenekoz izango da Gurasolekun Etxaurren Ikastola eta Haurreskolaren partehartzearekin eta AEK eta Berbalagunen elkarlanarekin.